हामी सबैकाे संसारन्यूज

१५ कार्तिक, काठमाडौँ । किंग्स इलेवन पंजाब राजिस्थान रोयल्ससँग ७ विकेटले पराजित भएको छ ।

टस हारेर पहिले ब्याटिङ्ग गरेको पंजाबले २० ओभरमा ४ विकेट गुमाएर १८५ रन बनाएको थियो । पंजाबका लागि क्रिस गेलले विस्फोट ब्याटिङ्ग गदैँ ६३ बलमा ९९ रन बनाएका थिए ।

यस क्रममा गेलले ६ चौका र ८ छक्का हानेका थिए । टि-२० क्रिकेटमा १ हजार छक्का प्रहार गर्ने पहिलो खेलाडी पनि क्रिस गेल बनेका छन । राजिस्थानका लागि बलिङ्गमा जोफ्रा आर्चर र बेन स्टोक्सले सर्वाधिक २ २ विकेट लिएका थिए ।

पंजाबले दिएको १८६ रनको लक्ष्य राजिस्थान १७.३ ओभरमा ३ विकेट गुमाएर पुरा गर्यो । राजिस्थानका लागि बेन स्टोक्सले २३ बलमा ५० रनको र संजु स्याम्सनले २५ बलमा ४८ रनको विस्फोटक पारी खेलेका थिए । जितसँगै राजिस्थानले प्लेअफमा पु्ग्ने सम्भावना जिवितै राखेको छ ।