हामी सबैकाे संसारन्यूज

१६ कार्तिक, काठमाडौँ । हिजो भएको दुई खेल मध्य पहिलो खेलमा मुम्बई इन्डियन्स र दोस्रो खेलमा सनराइजर्स हैदरावाद विजयी भएका छन ।

पहिलो खेलमा मुम्बई इन्डियन्सले दिल्ली क्यापिट्ल्सलाई ९ विकेटे पराजित गरेको थियो भने दोस्रो खेलमा सनराइजर्स हैदरावादले रोयल च्यालेन्जर्स बेङ्गलोरलाई ५ विकेट पराजित गरेको थियो ।

पहिलो खेलमा टस हारेर पहिले ब्याटिङ्ग गरेको दिल्लीले २० ओभरमा ९ विकेट गुमाएर ११० रन मात्र बनाएको थियो । दिल्लीका लागि श्रेयर अय्यरले २५ सर्वाधिक रन बनाएका थिए भने मुम्बईका लागि उत्कृष्ट बलिङ्ग गदैँ वोल्ट र बुमराहले सर्वाधिक ३/३ विकेट लिएका थिए । दिल्लीले दिएको १११ रनको लक्ष्य मुम्बईले १४.२ ओभरमा १ विकेट गुमाएर पुरा गर्यो । मुम्बईका लागि इशान किसनले सर्वाधिक ७२ रन बनाएका थिए । मुम्बईसँग पराजित भएसँगै दिल्लीले लगातर चौँथो हारको सामना गरेको छ ।

त्यसैगरी हिजो बेलुका भएको खेलमा सनराईजर्स हैदरावादले रोयल च्यालेन्जर्स बेङ्गलोरलाई ५ विकेट पराजित गरेको छ । टस हारेर पहिले ब्याटिङ्ग गरेको बेङ्गलोरले २० ओभरमा ७ विकेट गुमाएर १२० रन बनाएको थियो । बेङ्गलोरका लागि जोस फिलिप्सले सर्वाधिक ३२ रन बनाएका थिए भने हैदरावादका लागि बलिङ्गमा सन्दिप शर्मा र जेसन होल्डरले २/२ विकेट लिएका थिए । बेङ्गलोरले दिएको १२१ रनको लक्ष्य हैदरावादले १४.१ ओभरमा ५ विकेट गुमाएर पुरा गर्यो । हैदरावादसँग पराजित भएसँगै बेङ्गलोरले लगातार तिन खेलमा हारको सामना गरेको छ ।

प्लेअफमा पुग्नका लागि दिल्ली र बेङ्गलोर दुवै टिमलाई आफ्नो अन्तिम खेलमा जित्नै पर्ने दबाब बनेको छ । जित्नै पर्ने दबाबमा रहेका दुवै टिमले आफ्नो अन्तिम खेल भोली एकअर्का बिच खेल्ने छन ।