Sansar News
बलिउड तथा साउथ चलचित्रकी सफल तथा लोकप्रिय अभिनेत्री काजल अग्रवाल वैवाहिक जीवनमा बाँधिएकी छिन् । उनले, शनिबार आफ्ना प्रेमी गौतम किचलुसँग बिबाह गरेकी हुन् ।
उनीहरुले मुम्बइको एक होटलमा बिवाह गरेका थिए । बिहेपछि काजल आफैले सामाजिक संजालमा बैबाहिक समारोहका तस्वीर शार्वजनिक गरिरहेकी छिन् ।
बिहेमा काजलले ब्राइड रेड लेहेंगा लगाएकी थिइन् । बिहे भन्दा अगाडि संगीत सेरेमोनीको आयोजना गरिएको थियो, जहाँ काजलसँग गौतमका साथीहरुले नृत्य प्रस्तुत गरेका थिए । बिहेपछि गौतम र काजल मुम्बइमा रहेको नयाँ घरमा सिफ्ट हुने तयारीमा छन् ।
उनी गएको १६ वर्षदेखि फिल्म अभिनयमा सक्रिय छिन् । ‘क्यों हो गया ना’ बाट अभिनय करिअर सुरु गरेकी उनले साउथसँगै बलिउड फिल्ममा पनि राम्रो पहिचान बनाएकी छन् ।
उनले चलचित्र ‘सिंघम’मा नायक अजय देवगणसँग काम गरेपछि उनको चर्चा बलिउडमा पनि सुरु भएको थियो ।
वि.सं.२०७७ कात्तिक १६ आइतवार ०९:३१ मा प्रकाशित
