हामी सबैकाे संसारन्यूज

१६ कार्तिक, काठमाडौं । गोंगबु बाट १० किलो अवैध लागूऔषध गाँजा सहित धादिङ गल्छी चार जनालाई प्रहरीले पक्राउ गरेको छ । काठमाडौं महानगरपालिका-२६ गोंगबु पवित्रनगरबाट २५ बर्षीय ईश्वर थापा समेत ३ जनालाई शुक्रबार साँझ प्रहरीले पक्राउ गरेको छ ।

महानगरीय प्रहरी प्रभाग गोंगबुबाट खटिएको प्रहरीले शंकास्पद रुपमा बसिरहेका उनीहरुलाई जाँच गर्दा उक्त परिणामको लागूऔषध फेला पारी पक्राउ गरेको हो । साथै उनीहरुले प्रयोग गरेको बा.९० प ६२८९ नम्बरको स्कुटर पनि प्रहरीले बरामद गरेको छ ।

त्यस्तै , उदयपुर चौदण्डीगढी नगरपालिका-१० देबधारबाट १ किलो ३ सय ६५ ग्राम लागूऔषध गाँजा सहित सोही ठाउँ बस्ने ७२ बर्षीय सबुरलाल चौधरी समेत ५ जनालाई शुक्रबार बेलुका प्रहरीले पक्राउ गरेको छ । चौधरीले लागूऔषध गाँजा बिक्री बितरण गरिरहेको सुचनाका आधारमा ईलाका प्रहरी कार्यालय बेलटारबाट खटिएको प्रहरीले चौधरी समेत खरिद गर्न आएका सोही ठाउँ बस्ने सुरेन्द्र दनुवार लगायत ५ जनालाई पक्राउ गरेको जानकारी दिएको छ ।