Sansar News
१६ कार्तिक,भोजपुर । विभिन्न हातहतियार सहित शनिबार दिउँसो प्रहरीले एक युवालाई पक्राउ गरेको छ । पौवादुम्मा गाउँपालिका-१ हिलेभन्ज्याङका ३० वर्षीय मिलन राईलाई प्रहरीले पक्राउ गरेको हो ।
उनको साथबाट प्रहरीले १ थान भरुवा बन्दुक, १ सय ५० ग्राम बारुद, ३ सय ग्राम फलामको टुक्रा, १ थान केफ पट्का ५ वटा पोईन्ट भएको टुक्रा र १ थान लाईटर, बरामद भएको छ । जंगलमा हिडिरहेको अवस्थामा जिल्ला प्रहरी कार्यालय भोजपुरबाट खटिएको प्रहरीले उक्त हतियार सहित उनलाई पक्राउ गरेको हो ।
वि.सं.२०७७ कात्तिक १६ आइतवार १६:२७ मा प्रकाशित
