Sansar News
१६ कात्तिक, काठमाडौँ । राजधानीको धापासीमा दुई वटा लागु औषध दुर्व्यसनी समूहबीच भएको विवादमा एक युवकको मृत्यु भएको छ ।
काठमाडौँ प्रहरी परिसरका प्रवक्ता सोमेन्द्रसिंह राठोरका अनुसार घटनामा संलग्न तीन जनालाई प्रहरीले कर्तव्य ज्यान कसुरमा म्याद थपेर अनुसन्धान अगाडि बढाएको छ। अन्य ६ जनालाई अभद्र व्यवहार कसुरमा म्याद थपेर अनुसन्धान भइरहेको छ ।
टोखा नगरपालिका ५ धापासीस्थित देवी मन्दिर परिसरमा चक्कु प्रहारबाट सख्त घाइते भएका गोरखाका २४ वर्षीय आशिष मगरको उपचारको क्रममा मृत्यु भएको थियो।
पक्राउ पर्नेमा टोखाकै २६ वर्षीय राम श्रेष्ठ, संखुवासभाका १९ वर्षीय दोर्जे शेर्पा र स्याङ्जाको गल्याङका २७ वर्षीय रवि थापा मगर रहेका छन् ।
परिसरका प्रवक्ता राठोर भन्छन् ‘घटना हुनुभन्दा अघिल्लो दिन पनि यी दुई समूहबीच विवाद भएको देखिन्छ’,
वि.सं.२०७७ कात्तिक १६ आइतवार १६:२८ मा प्रकाशित
