Sansar News
१८ कात्तिक, काठमाडौं । बलिवुड नायक सुशान्त सिंह राजपुतको आत्महत्यासँगै ड्रग्स केसमा तानिएको वलिवुड क्षेत्र यतिबेला भने केही मत्थर देखिएको छ ।
केही समय अघि चर्चित नायिका दीपिका पादुकोण पनि ड्रग्स केसमा तानिएपछि उनले सिबीआइलाई बयान दिइसकेकी छन् । तर, दिपीकाकी मेनेजर करिश्मा प्रकाश भने यतिबेला नारोकोटिक्स कन्ट्रोल व्युरो ( एनसीबीबाट भागिरहेकी छन् ।
करिश्माको घरमा ड्रग्स भेटिएपछि एनसीबीले सोधपुछका लागि बोलाएको थियो । तर, दुईपटकसम्म बोलाउँदा पनि उनी बयानका लागि गएकी छैनन् ।
एजेन्सीका अनुसार एनसीवीले दुईपटकसम्म बोलाउँदा पनि उनी नगएपछि गत विहिबार व्युरोले उनीविरुद्ध मुद्दा दर्ता गरेको बताइएको छ ।
गत मंगलबार करिश्माको घरबाट एनसीबीको टिमले १.८ ग्राम (तीन सिसि आइल) ड्रग्स बरामद गरेको थियो । उक्त समय करिश्मा आफ्नो घरमा थिइनन् । उनको घरबाट थोरै मात्रामा ड्रग्स भेटिएको भएपनि ड्रग्स उनले नै राखेको भन्ने प्रमाणित भएमा उनलाई एकवर्ष जेल र १० हजारसम्म जरिवाना हुन सक्ने बताइएको छ ।
दीपिकाले आफ्नी मेनेजर करिश्मासँग ड्रग्सका बारेमा गरेको म्यासेज भेटाएपछि उनलाई एनसीबीले दुईपटक सोधपुछका लागि बोलाएको थियो । सोहि समय करिश्मालाई पनि सोधपुछ गरेको थियो । एकपटक दीपिका सँगै र अर्कोपटक एक्लै राखेर ।
सुशान्तको आत्महत्यासँगै खुलेको वलिउड ड्रग्स काण्डः एनसीबीको सोधपुछमा तीनपटक रोइन् दीपिका
वि.सं.२०७७ कात्तिक १८ मंगलवार १४:३१ मा प्रकाशित
