Sansar News
१८ कात्तिक, काठमाडौं । काठमाडौं महानगरपालिकाले सडकमा खाना खुवाएर महानगरको बेइज्जत र फोहोर भयो भन्दै खाना खुवाउन रोक लगाएको अवस्थामा नेपाली कांग्रेसका नेता तथा सांसद गगन थापाले यस कार्यलाई निरन्तरता दिन अनुरोध गरेका छन् ।
कोरोनाका कारण जीवन निर्वाह गर्न गाह्रो भइरहेकाहरुलाई सडकका राखेर खाना खुवाउने परोपकारी मनहरुलाई नेता थापाले यस्तो अनुरोध गरेका हुन् ।
सामाजिक संजालमा लेख्दै नेता थापाले भनेका छन्– जीवन निर्वाह गर्न गाह्रो भइरहेकालाई, काठमाडौँका विभिन्न स्थानमा परोपकारी मन भएकाहरुले खाना खुवाइरहनु भएको छ । विषम परिस्थितिमा यस्तो परोपकारी काम गरेर हाम्रो शहरको इज्जत धानिदिनु भएकोमा धेरै धन्यवाद ।
म काठमाडौँको जनप्रतिनिधि, यो पवित्र कामलाई निरन्तरता दिन संलग्न सबैमा अनुरोध गर्छु ।’
वि.सं.२०७७ कात्तिक १८ मंगलवार १४:०९ मा प्रकाशित
