हामी सबैकाे संसारन्यूज

काठमाडौं । सेयर कारोवार सूचक नेप्सेमा सामान्य सुधार देखिएको छ । साताको तेस्रो दिन मंगलवार नेप्से अगिल्लो दिनको तुलनामा ५.४ अंकले सुधार हुदै १६४३.०३ बिन्दुमा पुगेको हो । त्यस्तै ठूला कम्पनीहरुको कारोवार मापक सेन्सेटिभ १.१४ अंकले बढेर ३२६.६० विन्दुमा पुगेको छ ।

आज सूचिकृत मध्ये १९८ कम्पनीको २ अर्व २३ करोड ७९ लाख ६४ हजार ५७२ रुपैयाँ वरावरको ७७ लाख ५७ हजार ३५७ कित्ता सेयर किनबेच भयो । तिनको कारोवारमा २९ हजार ६०६ पटक लेनदेन भएको नेप्सेले जनाएको छ ।

आजको कारोवारमा बैंकिङ, विकास बैंक बाहेक सबै दश कम्पनी उपसूचक समुहको परिसूचक उकोलो लागेको छ । आजको कारोवारमा निर्जीवन बीमा कम्पनीको सूचकमा उच्च अंकको बृद्धि देखिएको छ । उसको मात्र सूचकमा १७६.८६ अंकले बृद्धि भएको छ ।

आज विशाल बजार कम्पनी(२१२), राष्ट्रिय बीमा कम्पनी लिमिटेडको प्रमोटर सेयर(१०४५), राष्ट्रिय बीमा कम्पनी(१००२), लगायतका लगानीकर्ताहरुले कमाएका छन भने सामुदायीक लघुवित्त(१९), नेपाल सेवा लघुवित्त(१७), गुराँस लाईफ(११) लगायतका लगानिकर्ताहरुले गुमाएका छन् । कारोवार भएका मध्य ८३ कम्पनीको सूचक उकालो लाग्दा ७० कम्पनीको सूचक घटेको छ । त्यस्तै १९ कम्पनीको सूचकमा कुनै पनि परिवर्तन भएको छैन ।

कारोवार रकमकोे आधारमा नेपाल टेलिकम शिर्ष स्थानमा रह्यो । उसको मात्र आज १० करोड ३ लाख २१ हजार ५३२ रुपैयाँ वरावरको १ लाख ३४ हजार ८४४ कित्ता सेयर किनबेच भयो । कारोवार बन्द हुँदा उसको प्रतिकित्ता सेयर मुल्य ७५१ रहेको थियो । त्यस्तै एनआईसि एसिया बैंक, प्राईम बैंक क्रमशः दोस्रो र तेस्रो स्थानमा रहे ।

कोरोवार संख्याको आधारमा शिवश्री हाईड्रो शिर्षस्थानमा सह्यो । उसको मात्र ३ लाख ४६ हजार ६०८ कित्ता सेयर किनवेच भयो । एचआईडिसिएल, ग्लोवल आईएमईको प्रमोटर सेयर क्रमश दोस्रो र तेस्रो स्थानमा रहेको नेप्सेले जनाएको छ ।