Sansar News
१९ कात्तिक, काठमाडौं । पछिल्लो २४ घण्टामा देशैभरी ३८४४ जना कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ३८४४ जना संक्रमणबाट मुक्त भएर डिस्चार्ज भएका हुन् । आज निको भएका ३८४४ जनासँगै नेपालमा कोरोना संक्रमणबाट मुक्त हुनेको संख्या १ लाख ४४ हजार ९७८ पुगेको छ । मन्त्रालयका अनुसार कूल संक्रमित मध्ये निको हुनेको यो दर ७९.३ प्रतिशत हो ।
हालसम्म कुन प्रदेशमा कति निको भए त ?
जसमा प्रदेश १ मा १५,१५२, प्रदेश २ मा १७,३५१, बागमती प्रदेशमा ७३,४९५, गण्डकी प्रदेशमा ७१२८, लुम्बिनी प्रदेशमा १७,१०३, कर्णाली प्रदेशमा ५,४०४ र सुदूरपश्चिम प्रदेशमा ९३४५ जना गरी हालसम्म देशैभरीबाट १ लाख ४४ हजार ८७८ जना निको भएका छन् । संक्रमणबाट मुक्त हुने दर ७९.२ प्रतिशत रहको पनि मन्त्रालयले जानकारी दिएको छ ।
वि.सं.२०७७ कात्तिक १९ बुधवार १७:०८ मा प्रकाशित
