Sansar News
२० कार्तिक, काठमाडौँ । मित्रराष्ट्र भारतीय स्थल सेनाध्यक्ष जनरल मनोज मुकुन्द नरवणे नेपाल आइपुगेका छन् ।
नेपाली सेनाको निमन्त्रणामा तीन दिने नेपाल भ्रमणमा आएका उनी जङ्गी अड्डामा आयोजित विभिन्न कार्यक्रममा सहभागी भएका छन् ।
तीन दिवसीय भ्रमणका क्रममा जनरल नरवणेले सैनिक मञ्चको वीर सैनिक स्मारकमा श्रद्धाञ्जली अपर्ण गरेपछि जंगी अड्डामा सम्मान गारद र निरीक्षण गरेका छन् । नेपाल जंगी अड्डा हाताभित्र ओखरको बिरुवा रोपेका छन् ।
आजै उनले समकक्षी महारथी थापासँग छलफल लगायत कमाण्ड तथा स्टाफ कलेजका शिक्षार्थीहरुसँग अन्तरक्रिया गर्ने कार्यक्रम रहेको छ ।
भ्रमणकै क्रममा नरवणेलाई राष्ट्रपति विद्यादेवी भण्डारीले एक विशेष समारोह बीच नेपाली सेनाको मानार्थ महारथी दर्जा प्रदान गर्नेे नेपाली सेनाको जनसम्पर्क निर्देशनालयले उल्लेख गरेको छ ।
भ्रमणकै क्रममा उनले प्रधानमन्त्री तथा रक्षामन्त्री केपी शर्मा ओलीसँग औपचारिक भेटवार्ता गर्ने कार्यक्रम छ । भारतीय सेनाध्यक्ष कात्तिक २१ गते स्वदेश फर्किने छन् ।
तस्विरहरु : नेपाली सेनाको सामाजिक सञ्जाल
वि.सं.२०७७ कात्तिक २० बिहीवार १५:१६ मा प्रकाशित
