हामी सबैकाे संसारन्यूज

२० कात्तिक, कुवेत । कुवेतमा स्टाफ वस दुर्घटनामा परेर दुई नेपाली कामदारको मृत्यु भएको छ ।

कुवेतमा रहेका पत्रकार हरिकृष्ण न्यौपानेका अनुसार कुवेतको सिजिजिसी कन्ट्रक्सन कम्पनीमा काम गरेर फर्किएका जाजरकोटका ३२ वर्षीय दिपक सिंह ठकुरी र ठेगाना खुल्न बाँकी रहेका ३२ वर्षीय पल बहादुर पुनको मृत्यु भएको हो ।

बुधबार (नोभेम्बर) ४ का दिन रातिको डिउटी सकेर फर्कने क्रममा भएको बस दुर्घटनामा उनीहरुको मृत्यु भएको हो ।

नेपाली दूतावास कुवेतका द्धितीय सचिव श्रीकृष्ण सिलवालका अनुसार विपरीत दिशाबाट आएको अर्को सवारीले बसलाई ठक्कर दिँदा दुर्घटना भएको हो । ठकुरीको सोहिदन र पुनको उपचारका क्रममा भोलीपल्ट मृत्यु भएको पनि सिलवालले बताएका छन् ।

दूतावासले मृतकका परिवारसँग सम्पर्क गरेर कानुनी प्रक्रियामा लागेको समेत जनाएको छ ।