हामी सबैकाे संसारन्यूज

२१ कात्तिक, काठमाडौँ । विश्वव्यापी महामारीका रुपमा फैलिएको कोरोना भाइरसबाट संक्रमितको उपचारमा सहयोग पु¥याउने उद्देश्यले नेपाली कांग्रेसका युवा नेता प्रदीप पौडेलले ‘प्लाज्मा एप’ सञ्चालनमा ल्याएका छन् ।

गत मंगलबार सार्वजनिक गरिएको ‘प्लाज्मा एप’ ले कोरोना संक्रमितको उपचारमा सघाउ पु¥याउने उद्देश्यका साथै प्लाज्मा दिन चाहने र लिन चाहनेलाई जोड्ने काम गर्नेछ । प्लाज्मा दिन मिल्ने व्यक्ती र प्लाज्मा चाहने व्यक्तीहरुलाई सजिलो सँग जोडिएर यो महामारीको अवस्थामा राहत मिलोस भन्ने उद्देश्यका साथ यो ‘एप’ ल्याएको पौडेलले आफ्नो फेसबुक पेज मार्फत बताएका छन् ।

पौडेलका अनुसार प्लाज्मा मोबाइल एपमा प्लाज्मा दिन चाहने र लिनेले ठेगाना, मोबाइल नम्बर र ब्लड ग्रुप कुन हो खुलाउनुपर्ने हुन्छ । प्लाज्मा खोजिदिन आग्रह गर्दै फोन आउन थालेपछि पौडेललगायतले यो एप सञ्चालनमा ल्याएका बताएका छन् ।