Sansar News
२१ कात्तिक, काठमाडौं । नेपाल कम्युनिष्ट पार्टी नेकपाको सचिवालय सदस्यहरुको आज बसेको अनौपचारिक बैठकले पार्टीको औपचारिक बैठकका लागि अर्का अध्यक्ष ओलीसँग सामुहिक भेट गर्ने निर्णय गरेको छ ।
अध्यक्ष पुष्पकमल दाहाल प्रचण्डद्धारा धुमबाराहीमा आयोजित भेलामा उपस्थिति सचिवालयका पाँच सदस्यहरुको अनौपचारिक बैठकले शनिबार प्रधानमन्त्री तथा पार्टी अध्यक्ष ओलीसँग सामुहिक भेट गरेर औपचारिक बैठकका विषयमा छलफल गरिने निर्णय भएको पार्टीका प्रवक्ता नारायणकाजी श्रेष्ठले जानकारी दिएका छन् ।
अध्यक्ष दाहाल, वरिष्ठ नेता माधब कुमार नेपाल, वरिष्ठ नेता झलनाथ खनाल, उपाध्यक्ष बामदेव गौतम उपस्थित रहेको उक्त अनौपचारिक बैठकले सहमतिका आधारमा बैठक डाक्न अध्यक्ष ओलीलाई आग्रह गर्ने पनि श्रेष्ठले बताएका छन् ।
वि.सं.२०७७ कात्तिक २१ शुक्रवार १७:१५ मा प्रकाशित
