Sansar News
काठमाडौं । सत्तारुढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले बहुमत सदस्यको उपस्थितिमा सचिवालय बैठक सुरु गरेका छन् । उनले ९ सदस्यीय सचिवालयका ५ जना सदस्यको उपस्थितिमा बैठक सुरु गरेका हुन् । बैठक केहि बेर अघिदेखि पार्टी कार्यालय धुम्बाराहीमा सुरु भएको छ ।
बैठकमा अध्यक्ष प्रचण्डसहित उपाध्यक्ष वामदेव गौतम, वरिष्ठ नेता झलनाथ खनाल, नेता माधव कुमार नेपाल र प्रवक्ता नारायण काजी श्रेष्ठ उपस्थित भएका छन्।
बैठकमा अर्का अध्यक्ष एवं प्रधानमन्त्री केपी शर्मा ओलीसहित उनी निकटका सचिवालय सदस्यहरु ईश्वर पोखरेल, विष्णु पौडेल र रामबहादुर थापा ‘बादल’को उपस्थिति छैन् । बैठकलाई यसअघि नै ओली पक्षले विधान तथा मर्यादा विपरित बोलाइएको टिप्पणी गरेको थियो ।
यसअघि बिहिबारको छलफलमा सचिवालय बैठक बोलाउन ओलीसँग प्रचण्डले आग्रह गरेका थिए । तर, बैठकबारे ओलीसँग सहमती जुट्न नसकेसँगै उनले बैठक बोलाएका हुन् ।
प्रचण्डले बोलाएको बैठकलाई रोचकतापूर्वक हेरिएको छ । कतिपयले पार्टी फुट्नसमेत सक्ने संकेतका रुपमा व्याख्या गरेका छन् ।
सम्बन्धित समाचार
वि.सं.२०७७ कात्तिक २१ शुक्रवार १५:३४ मा प्रकाशित
