हामी सबैकाे संसारन्यूज

२१ कात्तिक, काठमाडौं । कामना सेवा विकास बैंकले नयाँ व्याजदर सार्वजनिक गरेको छ । बैंकले विभिन्न खातामा आज (शुक्रबार) बाट लागू हुने गरी नयाँ व्याजदर सार्वजनिक गरेको हो।

बैंकको साधारण १७ वटा बचत खातामा न्यूनतम १ दशमलव ७५ देखि अधिकतम ५ दशमलव ५० प्रतिशतसम्म व्याजदर कायम गरेको छ । त्यस्तै, मुद्दती निक्षेपमा न्यूनतम ६ दशमलव ५० देखि अधिकतम ९ प्रतिशत व्याजदर कायम गरेको छ ।

बैंकले व्याक्तिगत कर्जाको लागि १३ दशमलव ४९ प्रतिशत व्याजमा ऋण प्रवाह गर्ने, र अन्य कर्जामा १४ दशमलव ५६ प्रतिशतमा कर्जा प्रवाह गर्ने जनाएको छ । बैंकको आधारदर भने ९ दशमलव ५६ प्रतिशत रहेको छ ।