हामी सबैकाे संसारन्यूज

२२ कार्तिक, काठमाडौँ । सनराइजर्स हैदरावादसँग ६ विकेटले पराजित भएसँगै रोयल च्यालेन्जर्स बेङ्गलोर २०२० को आईपिएलबाट बाहिरिएको छ ।

टस हारेर पहिले ब्याटिङ्ग गरेको बेङ्गलोरले २० ओभरमा ७ विकेट गुमाएर १३१ रन बनाएको थियो । बेङ्गलोरका लागि ब्याटिङ्गमा लागि एबि डि भिलियर्सले सर्वाधिक ५६ रन बनाएका थिए भने हैदरावादका लागि जेसन होल्डर उत्कृष्ट बलिङ्ग गदैँ सर्वाधिक ३ विकेट लिएका थिए ।

बेङ्गलोरले दिएको १३३ रनको लक्ष्य हैदरावादले १९.४ ओभरमा ४ विकेट गुमाएर पुरा गर्यो । हैदरावादका लागि केन विलियमसनले ४४ बलमा ५० रनको उत्कृष्ट पारी खेल्दैँ टिमलाई जित दिलाएका थिए ।

विजयी भएको टिम हैदरावादले फाइनलमा प्रवेश गर्नको लागि दोस्रो एलिमिनेटरमा दिल्ली क्यापिट्ल्सको सामना गर्ने छ ।