Sansar News
काठमाडौं । कर्णालीका मुख्यमन्त्री महेन्द्रबहादुर शाही घोडा यात्राको क्रममा लडेर घाईते भएका छन् । उनी हुम्लाको सदरमुकामबाट सिमकोट गाउँपालिका वडा नं ३ को तोर्पा, बरगाउँदै हुँदै लिमाटाङ्ग जाने क्रममा हुडी गाउँ र लिमाटाङ्ग गाउँको बीचमा पर्ने खोलामा घोडाबाट लडेर घाइते भएका हुन् ।
सदरमुकामबाट गाडीमा सवार भएका मुख्यमन्त्री शाहीलाई त्यहाँका स्थानीय लामा समुदायले घोडामा चड्नका लागी स्वागत गरेपछि उक्त घोडाबाट लडेर उनी घाइते भएका हुन्। मुख्यमन्त्री शाहीले चढेको घोडा तर्सिंदा लडेर घाइते भएको नेपाल पत्रकार महासङ्घ हुम्ला शाखाका अध्यक्ष अर्जुन बोहराले जानकारी दिए।
घाईते शाहीलाई सदरमुकाम सिमकोटमा प्राथमिक उपचार पछि अहिले सुर्खेत लगिएको छ ।
शाही कर्णाली प्रदेश सरकारले सुरू गरेको जनतासँग मुख्यमन्त्री भन्ने टेलिभिजन कार्यक्रमको छायांकनका लागि सिमकोट पुगेका थिए ।
वि.सं.२०७७ कात्तिक २२ शनिवार २०:४१ मा प्रकाशित
