Sansar News
काठमाडौं । डेमोक्रेटिक पार्टीका उम्मेदवार जो बाइडेन अमेरिकाको ४६ औं राष्ट्रपनि बन्ने निश्चित भएको छ । पेन्सिलवेनियामा जीत गरेसँगै उनले बहुमत इलेक्टोरल भोट जुटाएका हुन् ।
पेन्सिलवेनियाको परिणाम सार्वजनिक भएसँगै बाइडेनको पक्षमा २७३ इलेक्टोर भोट जुटेको छ । राष्ट्रपति पदमा जित हाँसिल गर्नको लागि २७० भोट ल्याउनु पर्दछ ।
पेन्सिलवेनियामा बाइडेन र हालका राष्ट्रपति तथा रिपब्लिकन उम्मेदवार डोनाल्ड ट्रम्पबीच निकै आक्रामक प्रतिष्पर्धा भएको थियो । जहाँ बाइडेनले ३४ हजार ४१४ मत अन्तरले ट्रम्पलाई हराएका छन् ।
२० इलेक्टोरल भोटको लागि भएको पेन्सिलवेनियाको मतगणनालाई निकै रोचकतापूर्वक हेरिएको थियो ।
पेन्सिलवेनियाको मतपरिणाम आफ्नो पक्षमा भएको ट्रम्पको दाबी
२० इलेक्टोरल भोट रहेको पेन्सिलवेनियामा बाइडेनले नभई आफुँले जितको ट्रम्पले दाबी गरेका छन् । उनले नतिजा सार्वजनिक भए लगत्तै ठूलो भोट अन्तरले जितको दाबी गरेका छन् ।
I WON THIS ELECTION, BY A LOT!
— Donald J. Trump (@realDonaldTrump) November 7, 2020
ट्विटरमार्फत उनले भनेका छन्, ‘मैंले यो निर्वाचनमा जित गरें, धेरै मत अन्तरले ।’
बिबिसीले जनाएअनुसार ट्रम्पले नतिजाबारे बोल्न ठूलो प्रेस कन्फ्रेन्ससमेत गर्दैछन् ।
वि.सं.२०७७ कात्तिक २२ शनिवार २२:४९ मा प्रकाशित
