Sansar News
२४ कात्तिक, काठमाडौं । नेपालमा सोमबार ( २४ कात्तिक ) सम्म पिसीआर प्रविधिबाट १५ लाख ५१ हजार २५४ वटा कोरोना भाइरसको नमुना परीक्षण गरिएको छ ।
जसमा पछिल्लो २४ घण्टामा पिसीआर प्रविधिबाट ११,१७७ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।
त्यसैगरी हालसम्म देशैभरी संक्रिय संक्रमित ३६ हजार १७४ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ६,३४८ जनाको उपचार भइरहेको छ । साथै होम आइसोलेसनमा बस्नेको संख्या २९ हजार ८२६ रहेको छ ।
त्यसैगरी देशभरका विभिन्न अस्पतालको आइसीयुमा ४११ जना संक्रमित उपचाररत छन् ।
मन्त्रालयका अनुसार प्रदेश १ मा ४९, प्रदेश २ मा ८, बागमती प्रदेशमा २०४, गण्डकी प्रदेशमा ७२, लुम्बिनी प्रदेशमा ५४, कर्णाली प्रदेशमा ९ र सुदूरपश्चिममा १५ जना गरी जम्मा ४११ जना आइसीयुमा उपचाररत छन् ।
त्यसैगरी प्रदेश १ मा १३ जना, प्रदेश २ मा २ जना, बागमती प्रदेशमा ५२ जना, गण्डकी प्रदेशमा ९ जना र लुम्बिनी प्रदेशमा ६ जना र सुदूरपश्चिम प्रदेशमा १ जना गरी जम्मा ८३ जना भेन्टिलेटरमा उपचाररत छन् ।
त्यस्तै ५०० भन्दा बढी संक्रमित उपचार रहेको जिल्ला, झापा, मोरङ, सुनसरी, काठमाडौं, भक्तपुर, ललितपुर, चितवन, मकवानपुर, काभ्रे, कास्की, नवलपरासीपूर्व, दाङ र रुपन्देही गरी १३ वटा रहेका छन् ।
यसैगरी क्वारेन्टिनमा ९६७ जना रहेका छन् भने शून्य संक्रमित रहेको जिल्ला मनाङ रहेको छ ।
त्यस्तै आज थपिएका २५७१ जनासँगै नेपालमा हालसम्मको कूल संक्रमितको संख्या १ लाख ९७ हजार २४ पुगेको छ । साथै आज १७९८ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या १ लाख ५९ हजार ७२४ पुगेको छ ।
आज १८ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या ११२६ पुगेको छ ।
आज देशैभरी २५७१ जनामा कोरोनाा संक्रमण, उपत्यकामा थपिए १४२८
नेपालमा आज काठमाडौं उपत्यकाका १४२८ जनासहित देशैभरी २५७१ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज काठमाडौंमा ११३६, ललितपुरमा २०१ र भक्तपुरमा ९१ जना संक्रमित थपिएका हुन् ।
मन्त्रालयका अनुसार आज प्रदेश १ को इलाममा ५, उदयपुरमा १२, ओखलढुंगामा ३, खोटाङमा २, झापामा ३३, तेह्रथुममा १, भोजपुरमा २, धनकुटामा ४, मोरङमा १४८, सुनसरीमा ९१ र संखुवासभामा ३ गरी प्रदेशमा ३०९ जना संक्रमित थपिएका हुन् ।
प्रदेश २ को धनुषामा १२, पर्सामा १०, बारामा ३, महोत्तरीमा ७, रौतहटमा ५, सप्तरीमा ९, सर्लाहीमा ६ र सिराहामा ११ जना गरी प्रदेशमा आज ६३ जना संक्रमित थपिएका छन् ।
बागमती प्रदेशको काठमाडौंमा ११३६, काभ्रेपलान्चोकमा ४७, चितवनमा २८, दोलखामा ४२, धादिङमा ५, नुवाकोटमा ८, भक्तपुरमा ९१, मकवानपुरमा ४२ रसुवामा १, रामेछापमा ५, ललितपुरमा २०१, सिन्धुपाल्चोकमा ९ र सिन्धुलीमा ५ जना गरी प्रदेशमा आज १६२० जनामा संक्रमण देखिएको छ ।
गण्डकी प्रदेशको कास्कीमा १५१, गोरखामा १३, तनहुँमा १८, नवलपरासीपूर्वमा ११, पर्वतमा ३, म्याग्दीमा १, लमजुमा २ र स्याङजामा १७ जना गरी प्रदेशमा आज २१६ जना संक्रमित थपिएका छन् ।
त्यस्तै लुम्बिनी प्रदेशको अर्घाखाँचीमा १, कपिलवस्तुमा २९, गुल्मीमा ४, दाङमा ११, नवलपरासीमा ९, पाल्पामा २४, प्युठानमा २, बर्दियामा ३, बाँकेमा ८ र रुपन्देहीमा ८५ गरी गरी प्रदेशमा आज जम्मा १७६ जनामा संक्रमण पुष्टि भएको छ ।
कर्णाली प्रदेशको जुम्लामा ५, दैलेखमा १३ र सुर्खेतमा २ गरी प्रदेशमा आज २० जना मात्रै संक्रमित थपिएका हुन् ।
सुदूरपश्चिम प्रदेशको अछाममा ९, कन्चनपुरमा २५, कैलालीमा ६६, डडेल्धुरामा १५, डोटीमा १०, दार्चुलामा ११, बझाङमा १२, बाजुरमा १० र बैतडीमा ९ जना गरी प्रदेशमा आज १६७ जना थपिएसँगै देशैभरी २५७१ जना संक्रमति थपिएका हुन् । जसमा महिला १०५१ र पुरुष १५२० जना रहेका छन् ।
आज थपिएका २५७१ जनासँगै नेपालमा हालसम्मको कूल संक्रमितको संख्या १ लाख ९७ हजार २४ पुगेको छ ।
कोरोना संक्रमणबाट आज देशैभरी १७९८ जना निको भए
पछिल्लो २४ घण्टामा देशैभरी १७९८ जना कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये १७९८ जना संक्रमणबाट मुक्त भएर डिस्चार्ज भएका हुन् ।
आज निको भएका १७९८ जनासँगै नेपालमा कोरोना संक्रमणबाट मुक्त हुनेको संख्या १ लाख ५९ हजार ७२४ पुगेको छ । मन्त्रालयका अनुसार कूल संक्रमित मध्ये निको हुनेको यो दर ८१ प्रतिशत हो ।
कति छन् त होम आइसोलेसनमा ?
स्वास्थ्य मन्त्रालयका अनुसार हालसम्म २९ हजार ८३६ जना कोरोना संक्रमित होम आइसोलेसनमा रहेका छन् ।
जसमा प्रदेश १ मा ४६५५, प्रदेश २ मा १,००६, बागमती प्रदेशमा १९,१३१, गण्डकी प्रदेशमा १७४८, लुम्बिनी प्रदेशमा २,२०२, कर्णाली प्रदेशमा ३०९ र सुदूरपश्चिम प्रदेशमा ७८५ जना गरी २९ हजार ८२६ जना रहेका छन् । साथै देशका विभिन्न अस्पताल तथा आइसोलेसन सेन्टरमा ६३४८ जनाको उपचार भइरहेको छ ।
कोरोना संक्रमणबाट आज पनि १८ जनाको मृत्यु
नेपालमा आज पनि कोरोना संक्रमणबाट १८ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज विभिन्न जिल्लाका १८ जनाको मृत्यु भएको हो ।
आज थपिएका १८ जनासँगै नेपालमा कोरोना संक्रमणबाट ज्यान गुमाउनेको संख्या ११२६ पुगेको छ ।
वि.सं.२०७७ कात्तिक २४ सोमवार १७:२३ मा प्रकाशित
