Sansar News
२४ कात्तिक, काठमाडौं । महालक्ष्मी विकास बैंकले एसआरएल डायगनोस्टिकसँग सम्झौता गरेको छ ।उक्त सम्झौता पत्रमा बैंकका महाराजगंज शाखाका प्रमुख पल्लभ श्रेष्ठ र कम्पनीका नायब बजार प्रमुख अजय यादवले हस्ताक्षर गरे ।
बैंकका डेबिट कार्ड प्रयोगकर्ताहरु र कर्मचारीहरुले एसआरएल. डायगनोस्टिकमा उपचार गराउँदा प्रयोगशाला परिक्षणमा छुट पाउने भएका छन्।
सम्झौताअनुसार बैंकका डेबिट कार्ड प्रयोग गर्ने ग्राहकहरु साथै कर्मचारीहरुले प्रयोगशालाका सम्पूर्ण परिक्षणमा १५ प्रतिशत आकर्षक छुट प्राप्त गर्न सक्नेछन् ।
देशका १०३ वटा शाखाहरुबाट बैंकिङ सेवा प्रदान गर्दै आएको महालक्ष्मी विकास बैंकले आगामी दिनहरुमा उक्त कम्पनीसँग समन्वय गरी विभिन्न स्वास्थ्यसँग सम्बन्धी कार्यक्रमहरु गर्दै जाने सहमति गरेको छ ।
वि.सं.२०७७ कात्तिक २४ सोमवार १७:२९ मा प्रकाशित
