हामी सबैकाे संसारन्यूज

२४ कार्तिक, काठमाडौं । भारतीय पत्रकार अर्नब गोस्वामीलाई मुम्बईको उच्च अदालतले जमानतमा रिहा गर्न अस्वीकार गरेको छ । रिपब्लिक टेलिभिजनका संस्थापक गोस्वामी आत्महत्या दुरुत्साहनको मुद्दामा पक्राउ परेका थिए।

उनी माथि टेलिभिजन स्टुडियो डिजाइन गर्ने इन्टेरियर डिजाइनलाई आत्महत्या गर्नको लागि बाध्य पारेको आरोप लागेको छ। उच्च अदालतले उनलाई १४ दिन हिरासतमा राख्न अनुमति दिएको थियो ।

आफूमाथि लागेको सबै आरोप अस्वीकार गर्दै आएका उनले प्रहरीले आफुमाथि दुरव्यवहार गरेको आरोप लगाएका छन् । साथै उनले प्रहरीलाई आफ्ना वकिलसँग पनि कुरा गर्न नदिएको आरोप लगाएका थिए । उच्च अदालतले भने अर्नबले चाहेको खण्डमा अबको चार दिनमा उनी फैसलाविरुद्ध न्यायालयमा जान सक्ने बताएको छ ।