हामी सबैकाे संसारन्यूज

२५ कार्तिक,काठमाडौं । बैंकिङ कसूरमा संलग्न सप्तरीका सूर्य प्रसाद साहलाई सोमबार प्रहरीले पक्राउ गरेको छ । सप्तरी वलान बिहुल गाउँपालिका-५ रामनगरका उनी काठमाडौं महानगरपालिका-१० बानेश्वरबाट पक्राउ गरेका हुन ।

उनले काठमाडौं विश्वविद्यालय स्कुल अफ मेडिकल साईन्सेजमा एमबिबिएस अध्ययन गर्दा लाग्ने प्रथम किस्ता बापतको रकम १३ लाख ४१ हजार रुपैयाँ भुक्तानीको लागि महालक्ष्मी बिकास बैंक बानेश्वर शाखाको चेकबाट काठमाडौं बिश्वबिद्यालयको खाता रहेको नेपाल इन्भेष्टमेण्ट बैंक लिमिटेड बनेपा काभ्रेपलाञ्चोक शाखामा दिएकोमा उक्त खातामा पर्याप्त रकम मौज्दात नभई चेक बाउन्स भएको थियो ।

उक्त कार्यमा संलग्न उनलाई प्रहरी प्रधान कार्यालय केन्द्रीय अनुसन्धान व्यूरोबाट खटिएको प्रहरीले पक्राउ गरेको हो । आवाश्यक थप कारवाहीको लागि उनलाई जिल्ला प्रहरी कार्यालय काभ्रेपलाञ्चोकमा पठाइएको छ ।