हामी सबैकाे संसारन्यूज

२६ कार्तिक, काठमाडौं। नेपाली काँग्रेसका नेता डा मिनेन्द्र रिजालले आउँदो महाधिवेशनमा बिमलेन्द्र निधीले सभापतिमा उम्मेदवारी दिने कुरा सकरात्मक भएको बताएका छन् ।

नीधिको सभापतिमा उठ्ने चर्चासँगै संस्थापन पक्षका साथै संस्थापनइत्तर पक्षमा समेत हाल सभापतिका उम्मेदवार देखिएका शेरबहादुर देउवा र रामचन्द्र पौडेल पक्षभित्र कै अन्य पनि आकांक्षीले विद्रोह गरी उम्मेदवारी दिनसक्ने चर्चाले काँग्रेस राजनीति निकै तातिरहेको बेला नेता रिजालले सामाजिक सञ्जालमा ‘नीधिको उम्मेदवारी सकरात्मक’ भन्दै यस्तो धारणा सार्वजनिक गरेका हुन् ।

‘विमलेन्द्र निधि सभापतिको उम्मेदवार हुँदा दुईभन्दा बढी उम्मेदवार हुन्छन र पार्टी अहिले झैं दुइटा ध्रुवमा चर्को गरी विभाजित रहँदैन। त्यो सकारात्मक हो’, नेता डा. रिजाल भन्छन् ।

— Minendra Rijal (@MinendraRijal) November 11, 2020

नीधि सभापतिमा विजयी हुन सफल हुने वा नहुने र सफल हुँदा विना भेदभाव पार्टीलाई नेतृत्व दिन सक्ने नसक्ने कुरा भने परीक्षण र परखको गर्भमा रहेको उनको भनाई छ । उनी भन्छन् ‘उहाँले सफलता प्राप्त गर्ने र नगर्ने र सफल भए बिना भेदभाव सबैलाई नेतृत्व गर्न सक्ने/नसक्ने कुरा त अहिले पनि परीक्षण र परखको गर्भमा छ।’