हामी सबैकाे संसारन्यूज

२६ कार्तिक, काठमाडौँ । नेपालको शैक्षिक जगतमा लामो योगदान पुयाएका शिक्षाविद् माधव मरहट्ठाको निधन भएको छ ।

पछिल्लो समय नशा सम्बन्धि रोगको उपचार गराउदै आएका मरहटटाको स्टार अस्पताल सानेपामा निधन भएको हो ।
लामो समय गोरखाका बिभिन्न बिध्यालयमा रहेर अध्यापन गरेका माधवले प्रधानाध्यापकको रुपमा उदाहरणीय कार्य सम्पादन गरेका थिए ।

नेपाल राष्टिय शिक्षक संगठनको महत्वपुर्ण र केन्द्रिय कार्यकारी जिम्मेवारीसंगै उनी गोर्खाबाट काठमाण्डौ सरुवा भएका थिए । काठमाण्डौको सामाखुशिमा फ्लोरोसेन्ट स्कुलको स्थापना गरी लगातार शिक्षा क्षेत्रमा सक्रिय भएका उनले जनयुद्ध र शान्तिप्रक्रियामा समेत बिभिन्न भुमिकाहरु निर्वाह गरेका थिए ।

उनको निधनपछि सामाजिक संजालमा श्रद्धान्जली भरिएको छ । माओबादी बुद्धिजीवीको रुपमा स्थापित उनले तत्कालिन एमालेबाट प्रस्ताव गरिएका राजनैतिक नियुक्ति लिन समेत अस्विकार गरेको गरेको कुरा सार्वजनिक भएको थियो ।

मरहट्ठा तत्कालीन चौथो महाधिवेशन, मशाल, एकता केन्द्र र माओवादी हुदै बिभिन्न जिम्मेवारी पुरा गर्दै आएका थिए । प्रचण्ड र बाबुराम सत्तामा आएपछि उनलाई कुनै जिम्मेवारी दिइएको थिएन भने नेकपा बनेपछि पनि उनले ठोस राजनैतिक जिम्मेवारी पाएका थिएनन ।

नेकपा नेता बिष्णुपुकार श्रेष्ठ, डा चन्द्रकान्त पौडेल, कृष्ण केसी, नीलकण्ठ तिवारी र भरत शर्मा लगायत मरहठठा संगै राजनैतिक काम र लामो सहकार्य गरेका निकट मित्रहरु उनको निधनबाट मर्माहित भएको बताएका छन् ।