हामी सबैकाे संसारन्यूज

२६ कात्तिक, बुटवल । इलाका प्रहरी कार्यालय बुटवलका प्रहरी हवल्दार शिवचन्द्र साहानी ४ लाख घुस सहित पक्राउ परेका छन् ।

साहानीले धरौटीमा छुटाईदिन सहयोग गरेबापत सेवाग्राहीसँग घुस माग गरिरहेको भन्ने सूचना एवं उजुरीका आधारमा अख्तियार दुरुपयोग अनुसन्धान आयोगको टोलीले निजलाई सेवाग्राहीबाट उक्त रकम लिइसकेको अवस्थामा पक्राउ गरेको हो ।

अनुसन्धानको क्रममा निज साहानीले सेवाग्राहीसँग जातीय विभेद सम्बन्धी मुद्दामा सहजिकरण गरिलिए बापत घुस लिएको सप्रमाण पुष्टि हुन आएकोले निजलाई भ्रष्टाचार निवारण बमोजिम जरिवाना र कैद सजाय हुन मागदावी लिई आज विशेष अदालत, काठमाडौंमा आरोपपत्र दायर गरेको अख्तियारले जनाएको छ ।