हामी सबैकाे संसारन्यूज

काठमाडौं । २४३ सीटको लागि भएको बिहार विधानसभा निर्वाचनको नतिजा सार्वजनिक भएको छ । निर्वाचनको मतपरिणाममा एनडीएले गठबन्धनले बहुमत प्राप्त गरेको छ । हालका मुख्यमन्त्री नीतीश कुमार नेतृत्वको एनडीए गठबन्धनले बहुमत सीटमा नतिजा ल्याएको छ ।

निर्वाचन परिणाममा नीतीश कुमार नेतृत्वको एनडीए गठबन्धनले १२५ सीटमा जित हाँसिल गरेको छ भने तेजस्ब यादव नेतृत्वको महागठबन्धनले ११० सीटमा जित हाँसिल गरेको छ ।

मुख्यमन्त्री नीतीशको पार्टी भने निकै कमजोर

निर्वाचनको परिणामअनुसार मुख्यमन्त्री नीतीश कुमार यादवको पार्टीलाई भने निकै कम मत आएको छ । नतिजाअनुसार अघिल्लो निर्वाचनको तुलनामा नीतिशको पार्टी जदयूलाई २८ सीट कम अर्थात् ४३ सीट मात्रै प्राप्त भएको छ ।

निर्वाचनमा केन्द्रीय पार्टी भारतीय जनता पार्टी (भाजपा)ले भने अपेक्षाभन्दा राम्रो नतिजा ल्याएको छ । नतिजामा भाजपाले ७४ सीट हाँसिल गरेको छ ।

एनडीए गठबन्धनमा भाजपा सबैभन्दा ठूलो पार्टीको रुपमा उदाएको छ ।

तेजस्बको पार्टी बन्यो ठूलो

निर्वाचनको नतिजामा तेजस्ब यादव नेतृत्वको महागठबन्धनले ११० सीटमा जित हाँसिल गरेको छ । जसमा तेजस्ब यादवको पार्टी राजद एकलैले ७५ सिट हाँसिल गर्दै बिहारको सबैभन्दा ठूलो पार्टी बनेको छ । तर, राजदले यसअघिको निर्वाचनमा भन्दा ५ सीट कम ल्याएको छ ।

महागठबन्धनमा कांग्रेस, भाकपा (माले), भाकपा र माकपा छन् । जसमध्ये अहिलेको निर्वाचनमा भाकपा मालेले राम्रो प्रदर्शन गरेको छ । केन्द्रीय पार्टीको रुपमा रहेको कांग्रेसले भने नराम्रो नतिजा ल्याएको छ । कांग्रेसले यसअघि ल्याएको नतिजाभन्दा कम जम्मा १९ सिट ल्याएको छ ।

भाजपाको आर्शिवादमा नीतीश सरकार बनाउने

बिहारमा सरकार भने नीतीश कुमार यादवको नेतृत्वमै बन्ने भएको छ । एनडीए गठबन्धनको मुख्य पार्टी बनेको भाजपाले यादवलाई नै सहयोग गर्ने घोषणा गरेको छ । भाजपाले बिहारी जनताले विकासकै निरन्तरता खोजेको बताएको छ ।

भाजपाले सहमतीलाई उल्लंघन पनि नगरिने जनाउ गरेको छ । केन्द्रीय सरकारका प्रधानमन्त्री नरेन्द्र मोदीले पनि नितिशलाई साथ दिने उद्घोष गरिसकेका छन् ।

सम्बन्धित समाचार

बिहार विधानसभा चुनाव : एनडीए र महागठबन्धबीच कडा प्रतिस्पर्धा, एनडीए बहुमत सीटमा अगाडि