Sansar News
२६ कात्तिक काठमाडौं । राष्ट्रिय वाणिज्य बैंक र खजुरा गाँउपालिकाबीच सहुलियतपूर्ण कर्जाका लागि सहकार्य गर्ने सम्झौता भएको छ।
सम्झौतापत्रमा बैंकका लुम्बिनी प्रादेशिक प्रबन्धक आनन्द सुवेदी र खजुरा गाउँपालिका अध्यक्ष किस्मतकुमार कक्षपतिले हस्ताक्षर गरेका छन्।
सम्झौतापछि गाउँपालिकाले आफ्नो क्षेत्रभित्र उद्यम तथा व्यवसाय गर्न चाहने व्यक्तिलाई परामर्श र उद्यमशीलतासम्बन्धी आवश्यक तालिमको व्यवस्थापन गर्ने गरी तालिम प्राप्त व्यक्तिलाई कर्जाका लागि बैंकमा सिफारिस गर्ने छ। तिनै उद्यमीहरुलाई बैंकले नियमानुसार सहुलियतपूर्ण कर्जाअन्तर्गत लगानी गर्ने छ।
बैंक प्रबन्धक सुवेदीले कर्जाले निर्वाहमुखी कृषि उत्पादनलाई व्यवसायीकरण गरी देशलाई समृद्धिसँग जोड्न सघाउ पुर्याउने बताए। अध्यक्ष कक्षपतिले सहुलियत कर्जाको उपभोगबाट व्यक्तिको आफ्नो आर्थिक स्तर उकास्न सघाउ पुग्ने बताए।
वि.सं.२०७७ कात्तिक २६ बुधवार १४:४६ मा प्रकाशित
