Sansar News
काठमाडौं । बलिउड अभिनेता आसिफ बसरा मृत भेटिएका छन्। भारतीय सञ्चार माध्यमका अनुसार अभिनेता बसरा हिमाञ्चल प्रदेशको कांगडास्थित एक क्याफेमा मृत अवस्थामा भेटिएका हुन् ।
प्रहरीले बसराले आत्महत्या गरेकाे हुनसक्ने आशंका गरेका छन् । भारतीय सञ्चार माध्यमले जनाएअनुसार बिहिबार दिउसो उनी कुकुरलाई डुलाउने डोरीमा झुण्डिएको अवस्थामा फेला परेका थिए ।
प्रहरीले जनाएअनुसार उनी कांगडामा एक विदेशी महिला साथीको साथ रहिरहेका थिए । प्रारम्भिक जानकारीमा बसरा डिप्रेशनको समस्यामा भएको प्रहरीले बताएको छ ।
बसरा केहि महिनाअघि आत्महत्या गरेका अभिनेता सुशान्त सिंह राजपूतसँगै फिल्म ‘काइ पो छे’ मा देखिएका थिए । टेलिभिजन सिरियलमार्फत फिल्मी जगतमा आएन उनले ‘आसिफ हिचकी’, ‘काय पो छे’, ‘पाताल लोक’, ‘होस्टेजेस’, ‘वन्स अफन अ टाईम इन मुम्बई’लगायत दर्जनौं फिल्ममा अभियान गरेका छन् ।
सम्पादक : यसअघिको समाचारमा अन्यथा पर्न गएकोले सच्चाइएको छ ।
वि.सं.२०७७ कात्तिक २७ बिहीवार १७:३४ मा प्रकाशित
