हामी सबैकाे संसारन्यूज

२७ कार्तिक,काठमाडौं । प्रहरीको ईन्सपेक्टर हुँ भनि सर्वसाधारण व्यक्तिहरूलाई धाक धम्की दिई रकम माग गरेको अभियोगमा ३ जनालाई मंगलबार प्रहरीले पक्राउ गरेको छ । उनीहरुले काठमाडौं महानगरपालिका बालाजु माछापोखरी क्षेत्रमा एस्तोकाम गर्दै आएका थिए ।

पक्राउ पर्नेहरूमा नुवाकोट घर भई काठमाडौं तारकेश्वर बस्ने रमेश तामाङ, दोलखा डाँडाखर्क घर भई काठमाडौं वनस्थली ढुङ्गेधारा बस्ने तुल बहादुर मगर र नवलपरासी पिठौली घर भई काठमाडौं स्वयम्भु बस्ने गुविराम घले रहेका छन् ।

उनीहरुले धाक धम्की दिँदै रकम माग गरी दुस्ख दिनेगरेको भन्ने सूचना प्राप्त भएपछि महानगरीय अपराध महाशाखाबाट खटिएको प्रहरीले उनीहरूलाई पक्राउ गरेको हो । पक्राउ परेका तीनै जनालाई आवश्यक कारवाहीको लागि महानगरीय प्रहरी वृत्त बालाजु पठाईएको छ ।