Sansar News
काठमाडौं । नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टीसहित विभिन्न २१ राजनीतिक संगठनहरुले तिहार लगत्तै प्रदर्शन चर्काउने घोषणा गरेका छन् । एमसीसी सम्झौता, भारतीय अतिक्रमण र कोभिड उपचारलगायतका एजेण्डामा प्रदर्शन चर्काउने उनीहरुको घोषणा छ ।
२१ राजनीतिक संगठनको तर्फबाट शुक्रबार जारी विज्ञप्तीअनुसार आगामी मंसिर ७ गते माइतीघर मण्डलामा प्रदर्शन गरि सुरुवात गरिनेछ । जनाइएअनुसार त्यस लगत्तै प्रदेश तहमा प्रर्दशनका कार्यक्रम हुनेछन् ।
विभिन्न २१ राजनीतिक दल तथा संगठनहरुले कार्यगत एकताको घोषणा गदै एमसीसी खारेजीलगायतका मुद्दामा निरन्तर प्रदर्शन गर्दै आएका छन् ।
कार्यगत एकता गरि प्रदर्शन गर्नेमा वैद्य नेतृत्वको नेकपा (क्रान्तिकारी माओवादी), विप्लव नेतृत्वको नेपाल कम्युनिष्ट पार्टी, मोहन विक्रम सिंह नेतृत्वको नेकपा मसाल, सीपी मैनाली नेतृत्वको नेकपा माले, ऋषि कट्टेल नेतृत्वको नेपाल कम्युनिष्ट पार्टी, रविन्द्र श्रेष्ठ नेतृत्वको नेकपा (बोल्शेविक), सिपि गजुरेल नेतृत्वको देशभक्त जनगणतान्त्रिक मोर्चा, आहुति नेतृत्वको वैज्ञानिक समाजवादी कम्युनिष्ट पार्टी, लोककृष्ण भट्टराई नेतृत्वको पुष्पलाल अध्ययन समाजलगायत छन् ।
यस्तो छ विज्ञप्ती
वि.सं.२०७७ कात्तिक २८ शुक्रवार १२:११ मा प्रकाशित
