Sansar News
२८ कात्तिक, काठमाडौं । पछिल्लो २४ घण्टामा देशैभरी ३५३७ जना कोरोना संक्रमित निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ३५३७ जना संक्रमणबाट मुक्त भएर डिस्चार्ज भएका हुन् ।
आज निको भएका ३५३७ जनासँगै नेपालमा कोरोना संक्रमणबाट मुक्त हुनेको संख्या १ लाख ६८ हजार १२९ पुगेको छ । मन्त्रालयका अनुसार कूल संक्रमित मध्ये निको हुनेको यो दर ८१.५ प्रतिशत हो ।
वि.सं.२०७७ कात्तिक २८ शुक्रवार १६:४८ मा प्रकाशित
