हामी सबैकाे संसारन्यूज

३ मंसिर, काठमाडौँ । जनता समाजवादी पार्टी नेपालका संघीय परिषद्का अध्यक्ष डा बाबुराम भट्टराईले प्रधानमन्त्री केपी शर्मा ओलिलाई सरकारबाट हटाउनै पर्ने बताएका छन् ।

सामाजिक सञ्जालमा टिव्ट गर्दै नेता डा भट्टराईले ओलि सरकार ससफल भएको उनकै पार्टीले लिखित आरोप लगाइसकेपछि उनलाई प्रधानमन्त्री पदबाट हटाउनै पर्ने बताएका छन् ।

नेकपाभित्रको विवादमा राष्ट्रपति विद्यादेवी भण्डारी तथा नेपालका लागि चिनीया राजदूतको चासो बढेको भन्ने खबरहरु आइरहेकै बेला उनले राष्ट्रपति र विदेशी कुटनीतिज्ञले पार्टीगत कुरामा हस्तक्षेप गर्न नमिल्ने समेत जनाएका छन् ।

टिव्टरमा उनले लेखेका छन् :

नेकपाको झगडा कसरी टुंग्याउने भन्ने उसको कुरा होला तर यी राज्य/जनताका मुद्दा प्रतिपक्षी दल/जनताले उठाउनैपर्छ है: १.राष्ट्रपति र विदेशी कुटनीतिज्ञले पार्टीगत कुरामा हस्तक्षेप गर्न मिल्दैन;२.ओली सरकारको असफलता/भ्रष्टाचारवारे उनकै पार्टीले समेत लिखित आरोप लगाइसकेपछि उनलाई हटाउनैपर्छ।

— Baburam Bhattarai (@brb1954) November 18, 2020