Sansar News
४ मङ्सिर, सुनसरी । डाँका मुद्दाका फरार एक प्रतिवादी पक्राउ परेका छन् ।
ईटहरी उपमहानगरपालिका–६ गोर्खा डिमार्टमेन्ट स्टोर नजिक बाटोबाट डाँका मुद्दाका फरार प्रतिवादी संखुवासभा चैनपुर नगरपालिका–७ बस्ने २८ वर्षीय पर्वत तामाङलाई बुधबार प्रहरीले पक्राउ गरेको छ ।
संखुवासभाबाट फरार रहेका उनलाई उक्त बाटोमा लुकीछिपी बसेको अवस्थामा ईलाका प्रहरी कार्यालय इटहरी सुनसरीबाट खटिएको प्रहरीले फेला पारी पक्राउ गरेको हो ।
उनलाई आवश्यक कारवाहीका लागि इलाका प्रहरी कार्यालय चैनपुर संखुवासभा पठाइएको जिल्ला प्रहरीले जानकारी दिएको छ ।
वि.सं.२०७७ मंसिर ४ बिहीवार १०:५७ मा प्रकाशित
