Sansar News
५ मंसिर, काठमाडौं । पछिल्लो २४ घण्टामा देशैभरी ५ हजार ३६४ जना कोरोना संक्रमित निको भएका छन् । दिनहुँ निको हुनेको यो संख्या अहिलेसम्मकै बढी हो ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ५३६४ जना संक्रमणबाट मुक्त भएर डिस्चार्ज भएका हुन् ।
आज निको भएका ५३६४ जनासँगै नेपालमा कोरोना संक्रमणबाट मुक्त हुनेको संख्या १ लाख ९१ हजार २ पुगेको छ । मन्त्रालयका अनुसार कूल संक्रमित मध्ये निको हुनेको यो दर ८८ प्रतिशत हो । file photo
वि.सं.२०७७ मंसिर ५ शुक्रवार १६:३५ मा प्रकाशित
