Sansar News
काठमाडौं । नेकपाका स्थायी समिति सदस्य डा. सुरेन्द्र पाण्डेमाथि गरिएको अभद्र व्यवहारको घटनामा प्रधानमन्त्री एंव पार्टी केपी शर्मा ओली निकटकै मान्छेहरुको संलग्नता भएको भेटिएको छ । जानकारीअनुसार घटना ओलीका जनसम्पर्क सल्लाहकार सिता पौडेलकी भाईबुहारी एवं राप्ती नगरपालिकाकै मेयर प्रभा बरालको नेतृत्वको भएको थियो ।
घटनामा बागमती प्रदेशका मुख्यमन्त्री डोरमणी पौडेलका सल्लाहकार तथा पूर्व जिल्ला अध्यक्ष जगन्नाथ थपलियाका छोरा साथै प्रदेशका मन्त्री दाबा लामाका ज्वाई सुरज थपलिया पनि संलग्न थिए ।
उक्त घटनामा मन्त्री लामाका छोरा पनि संलग्न रहेको जनाइएको छ । साथै केदार आचार्यलगायत ४/५ जनाको समुहले पाण्डेमाथि अभद्र व्यवहार गरेको थियो ।
जसबारे नेता पाण्डेले नै एक सञ्चार माध्यमसँग कुराकानी गर्दै व्यक्तिहरुको नाम नै किटेर घटनाबारे बताएका छन् । पाण्डेले बताएअनुसार घटनामा देखिएका सबैजसो व्यक्ति ओलीलाई भेट्दा ‘बा’ भनेर सम्बोधन गर्दछन् ।
वि.सं.२०७७ मंसिर ६ शनिवार २०:२६ मा प्रकाशित
