हामी सबैकाे संसारन्यूज

७ मंसिर, काठमाडौँ । नेपाली कांग्रेसका नेता धनराज गुरुङले पार्टी सभापति शेरबहादुर देउवालाई नेकपासँग सती जान नहुने भन्दै खबरदारी गरेका छन् ।

नेकपाका अध्यक्षसमेत रहेका प्रधानमन्त्री केपी शर्मा ओलीले पार्टी भित्रको विवादका कारण पार्टी अब मिलाउनै नसकिने अवस्थामा पुगेको भन्दै प्रमुख प्रतिपक्षी दल नेपाली काँग्रेसका सभापति शेरबहादुर देउवासँग सत्ता साझेदारीका लागि आग्रह गरेका खबरहरु सार्वजनिक भैरहेका बेला नेता गुरुङले यस्तो खबरदारी गरेका हुन् ।

श्रद्धेय सभापति @DeubaSherbdr ज्यु! यदि यो समाचार सत्य हो भने म विनम्रताका साथ अनुरोध गर्न चाहन्छु “कांग्रेसलाई ५ बर्षको लागि प्रतिपक्षमा रहेर कार्य गर्ने जनादेश छ। नेकपाको सत्ता-भाँडभैलोमा सहभागी भएर नेकपासँगै कांग्रेस सती जानु हुँदैन। जय नेपाल!” https://t.co/lbBaBbqjRB

— Dhan Raj Gurung (@dhanrgrg) November 22, 2020

कांग्रेसलाई ५ बर्षको लागि प्रतिपक्षमा रहेर कार्य गर्ने जनादेश प्राप्त भएको भन्दै नेता गुरुङले टिव्टरमामार्फत ‘नेकपाको सत्ता भाँडभैलोमा सहभागी भएर नेकपासँगै कांग्रेस सती जानु नहुने’ बताएका हुन् ।

प्रधानमन्त्री ओलीले नेकपा फुटको संघारमा रहेको संकेत गर्दै प्रमुख प्रतिपक्षी कांग्रेसका सभापति शेरबहादुर देउवासँग शनिबार छलफल गरी आठ वटा मन्त्रालयको प्रस्ताव गरेका खबरहरु बाहिरीएका छन् । भने सभापति देउवाले यस विषयमा पार्टीमा छलफल गरेर उचित जवाफ फर्काउने जनाएका छन् ।