हामी सबैकाे संसारन्यूज

काठमाडौं । नेपाली कांग्रेसका नेता धनराज गुरुङ्गले कांग्रेस सत्तामा जान नहुने बताएका छन् । नेकपा अध्यक्ष एवं प्रधानमन्त्री केपी शर्मा ओलीले सत्ता साझेदारीको लागि सभापति देउवालाई प्रस्ताव राखेको विषय बाहिरिएसँगै गुरुङ्गले यस्तो भनेका हुन् ।

सामाजिक सञ्जालमार्फत पार्टी सभापति देउवालाई मेन्सन गर्दै उनले निर्वाचनको जनादेश कांग्रेसलाई प्रतिपक्षको भूमिकामा रहनु नै भन्ने रहेको बताए । ‘श्रद्धेय सभापति ज्यु ! यदि यो समाचार सत्य हो भने म विनम्रताका साथ अनुरोध गर्न चाहन्छु ‘कांग्रेसलाई ५ बर्षको लागि प्रतिपक्षमा रहेर कार्य गर्ने जनादेश छ।’, उनले भने ।

श्रद्धेय सभापति @DeubaSherbdr ज्यु! यदि यो समाचार सत्य हो भने म विनम्रताका साथ अनुरोध गर्न चाहन्छु “कांग्रेसलाई ५ बर्षको लागि प्रतिपक्षमा रहेर कार्य गर्ने जनादेश छ। नेकपाको सत्ता-भाँडभैलोमा सहभागी भएर नेकपासँगै कांग्रेस सती जानु हुँदैन। जय नेपाल!” https://t.co/lbBaBbqjRB

— Dhan Raj Gurung (@dhanrgrg) November 22, 2020

सत्ता भाँडभैलोको कारण नेकपा सकिँदै गएको भन्दै गुरुङ्गले नेकपासँगै सती जान नहुने बताए । उनले भने, ‘नेकपाको सत्ता(भाँडभैलोमा सहभागी भएर नेकपासँगै कांग्रेस सती जानु हुँदैन ।’