हामी सबैकाे संसारन्यूज

काठमाडौं । संघीय संसद्मा बुधबार नेकपा एमालेका नेता रामबहादुर थापा बादल को अभिव्यक्तिलाई लिएर सत्ता र विपक्षबीच तीव्र विवाद उत्पन्न भएको छ।

थापाले संसद्मा बोल्ने क्रममा रास्वपाको सफलतालाई “अराजक जमातको अस्थायी गठजोड” भन्दै टिप्पणी गरेका थिए। साथै उनले नेपाली सेनासम्बन्धी प्रसंगसमेत उठाएको भन्दै रास्वपाका सांसद मनिष खनाल ले आपत्ति जनाए।

विवाद बढेपछि सभामुख डोल प्रसाद अर्याल ले संसदीय नियमावलीको व्यवस्था उल्लेख गर्दै उक्त अभिव्यक्तिलाई संसद्को अभिलेखबाट हटाउन रुलिङ गरेका थिए। त्यसलगत्तै विपक्षी दलका सांसदहरू आफ्नो स्थानबाट उठेर विरोधमा उत्रिएका हुन्।

यसक्रममा विपक्षी सांसदहरूले प्रधानमन्त्रीको अनुपस्थितिलाई लिएर पनि सरकारको आलोचना गरे। आगामी आर्थिक वर्षको नीति तथा कार्यक्रममाथिको छलफलमा प्रधानमन्त्री उपस्थित नभएको भन्दै उनीहरूले संसद्मै राजीनामाको मागसमेत गरेका छन्।