Sansar News
८ मंङ्सिर, काठमाडौं । शिक्षामन्त्री गिरीराज मणि पोखरेलले मङ्सिर ९ गते सुरु हुन गइरहेको कक्षा १२ को परीक्षामा ढुक्क भएर सामेल हुन सबै विद्यार्थीलाई अनुरोध गरेका छन् ।
गत बैशाखमा परीक्षाको कार्यतालिका सार्वजनिक गरे पनि विश्वभरी फैलिएको कोरोना महामारीका विषम परिस्थितिका कारण समयमै परीक्षा सम्पन्न हुन नसकेको भन्दै सचेतना अपनाएर ढुक्क भएर परीक्षा दिन मन्त्री पोखरेलले अनुरोध गरेका हुन् ।
मन्त्री पोखरेलले एक भिडियो सन्देश जारी गर्दै मंगलबार हुने परीक्षामा सामाजिक दूरी कायम गर्न, मास्क लगाउन, बेला–बेलामा हात धुने लगायतका स्वास्थ्य सचेतना अपनाउन विद्यार्थीहरु समक्ष अनुरोध गरेका छन् ।
वि.सं.२०७७ मंसिर ८ सोमवार ०९:२३ मा प्रकाशित
