हामी सबैकाे संसारन्यूज

काठमाडौं । भारतीय विदेश सचिव हर्षवर्धन श्रृंगलाको नेपाल भ्रमणबारे नेपालको परराष्ट्र मन्त्रालय र भारतको विदेश मन्त्रालयले मिनेट पनि फरक नपारी प्रेस व्यक्तव्य जारी गरेका छन् । नेपालको परराष्ट्र र भारतको विदेश मन्त्रालयले सोमबार दिउसो एकै समयमा प्रेस व्यक्तव्य जारी गरेका हुन् ।

नेपाली समयअनुसार २ः२० मा दुवै मन्त्रालयले सँगै प्रेस रिलिज जारी गरेका थिए ।

नेपालको परराष्ट्र र भारतको विदेश मन्त्रालयबीच समन्वय भएसँगै भ्रमणको कार्यतालिका बन्ने गर्दछ । तर, प्रेस व्यक्तव्य भने आ–आफ्नो अनुकुलमा आ–आफ्नो समय सार्वजनिक हुने चलन छ ।

भारतीय विदेश सचिव श्रृंगलाको भ्रमणबारेको प्रेस व्यक्तव्य भने अनौठो गरि एकै समय सार्वजनिक भएको छ ।

गत भदौ पहिलो साता भारतीय विदेशमन्त्री एस जयशंकर नेपाल भ्रमणमा आएका थिए । जयशंकरको भ्रमणको निरन्तरता स्वरुप नै श्रृंगला नेपाल आउन लागेका हुन् ।

नेपाल–भारतबीचको सीमा विवादबारेको छलफल र अन्य महत्वपूर्णं राजनीतिक भेटघाटका लागि उनी नेपाल आउन लागेका हुन् । श्रृंगलाको नेपाल भ्रमण विदेश सचिव भएसँगैको पहिलो हो ।

नेपालकाे परराष्ट्र मन्त्रालय

भारतकाे विदेश मन्त्रालय