Sansar News
९ मङ्सिर । कोरोनभाइरसका सङ्क्रमितहरुको संख्यामा बृद्धि हुदै गएपछि पाकिस्तानमा फेरी शैक्षिक संस्थाहरु बन्दको घोषणा गरिएको छ ।
सरकारी अधिकारीहरुले सोमबार गरेको घोषणा अनुसार आगामी बिहीबारदेखि शैक्षिक संस्थाहरु बन्द हुनेभएका हुन् । घोषणामा शैक्षिक संस्था अर्को बर्षको जनवरी १० तारिखसम्म बन्द गर्ने उल्लेख गरिएको छ ।
शैक्षिक संस्थाहरु बन्द हुनेभएपछि अहिले तय गरिएका सवै परीक्षाहरु पनि स्थगित गरिएको अधिकारीहरुले जानकारी दिएका छन् ।
पाकिस्तानमा कोरोना भाइरसबाट संक्रमित हुनेको संख्या ३ लाख ७९ हजार ८ सय ८३ रहेको छ भने संक्रमणबाट ७ हजार ७ सय ४४ जनाको मृत्यु भएको छ ।
वि.सं.२०७७ मंसिर ९ मंगलवार १०:३१ मा प्रकाशित
