Logo
५ जेष्ठ २०७९, बिहीबार
     Thu May 19 2022
E-paper
  English Edition
   Unicode
Logo

ज्येष्ठ नागरिकले बनाए चौतारा नजिकै विश्रामस्थल



११ मङ्सिर, लमजुङ । लमजुङ जिल्लाको बेँसीशहर नगरपालिका–८ स्थित शेरा चौतारा नजिकै विश्रामस्थल निर्माण भएको छ ।

बेँसीशहर नगरपालिका–८ का ८५ वर्र्षीय बिर्खबहादुर पौडेलले रु तीन लाख चार हजार २७४ आफ्नै लगानीमा विश्रामस्थल निर्माण गरिएको हो ।

सो विश्रामस्थलको संविधानसभा सदस्य जमिन्द्रमान घलेले बुधबार उद्घाटन गर्दै नगरभित्रका सार्वजनिक जग्गा हराउँदै गएको अवस्थामा यसको खोजी र संरक्षण गर्नका लागि नगरपालिका लाग्नुपर्ने बताए ।

नेपाल कम्युनिष्ट पार्टी ९नेकपाका कृष्णप्रसाद अधिकारी र नेपाली काँग्रेसका श्रीकान्त घिमिरेले नयाँ पुस्ताले समेत यस्ता सामाजिक र मानवीय कार्य गर्नेतर्फ अग्रसर हुनुपर्ने आवश्यकता औल्याए ।

आफ्ना पूर्खा बाजे मेजर कृष्णनन्द पौडेलले २३४ वर्ष अघि शेरा चौतारा स्थापना गरेको र उनको स्मृतिमा नै सोही चौतारा नजिकै विश्रामस्थल निर्माण गरिएको पौडेलले बताए ।

जस्तापाताको छानो भएको सो विश्रामस्थलमा करिब ६० जना बस्न मिल्नेछ । विश्रामस्थल निर्माण भएपछि यहाँ यात्रु, पर्यटक, ज्येष्ठ नागरिकलाई विश्राम गर्न तथा सुरक्षाकर्र्मीलाई घामपानीका बेला ओत लाग्नलाई मिल्नेछ ।

विश्रामस्थलको निर्माणसँगै बर पिपलको बोट रहेको चौतारालाई समेत संरक्षण गर्दै रङरोगन गरिएको छ । विश्रामस्थल निर्माणले स्थानीयवासी खुशी भएका छन् ।
रासस


यो खबर पढेर तपाईलाई कस्तो महसुस भयो ?

काठमाडौं । गोरखाका ११ पालिकामध्ये बिहीबारसम्म १० पालिकाको अन्तिम परिणाम सार्वजनिक भएको छ ।

काठमाडौं । गत शुक्रबार सम्पन्न स्थानीय तहको निर्वाचनको मतपरिणाम आउने क्रम जारी छ ।

काठमाडौं । नेकपा (एमाले)का नेता तथा पूर्वसञ्चारमन्त्री गोकुल बाँस्कोटाको गृहपालिकामै एमाले पराजित भएको छ

मकवानपुर । मकवानपुरको थाहा नगरपालिकामा नेकपा माओवादी केन्द्रका विष्णु बहादुर विष्ट विजयी भएका छन्