Sansar News
काठमाडौं । भारतीय विदेशसचिव हर्षवर्धन श्रृंगलाले परराष्ट्रमन्त्री प्रदीप ज्ञवालीसँग भेटवार्ता गरेका छन् । उनले सिहंदरबारस्थित परराष्ट्र मन्त्रालय पुगेर मन्त्री ज्ञवालीलाई भेट गरेका हुन् ।
यसअघि विदेशसचिव हर्षवर्धन नेपाली प्रतिनिधि मण्डलसँगको द्धिपक्षीय वार्तामा सहभागी भएका थिए । परराष्ट्र सचिव भरतराज पौडेल र भारतीय विदेश सचिव हर्षवर्धन श्रृंगलाबीच वान अन वान वार्तापछि द्धिपक्षीय वार्ता भएको थियो ।
सो द्विपक्षीय बैठकमा ११ सदस्यीय नेपाली प्रतिनिधि मण्डलको नेतृत्व परराष्ट्रसचिव भरतराज पौडेलले र भारतीय टोलीको नेतृत्व भारतीय विदेशसचिव हर्षवर्धन श्रृंगलाले गरेका थिए।
उक्त बैठकका द्धिपक्षीय सम्बन्धका विषयमा छलफल भएको परराष्ट्र मन्त्रालयले जनाएको छ । परराष्ट्र मन्त्रालयका अनुसार उक्त बैठक निकै उपलब्धीमुलक छ ।
भारतीय विदेशसचिव हर्षवर्धन २ दिने नेपाल भ्रमणका लागि बिहिबार बिहान काठमाडौं आईपुगेका थिए ।
वि.सं.२०७७ मंसिर ११ बिहीवार १६:३४ मा प्रकाशित
