Sansar News
१२ मंसिर, काठमाडौं । महोत्तरीमा आफ्नै काकाको हत्या गरेको अभियोगमा भतिज पक्राउ परेका छन् । ६० वर्षीय खेलाउन मण्डल काकाको हत्या गरेको अभियोगमा उनका ४० वर्षीय भतिजा बिनोद मण्डललाई बिहीबार साँझ प्रहरीले पक्राउ गरेको छ ।
घरायसी वादविवादका कारण बिनोदले खेलाउनलाई कुटपिट गरी गम्भीर घाइते बनाएकोमा स्वास्थ्य चौकी मनरामा सामान्य उपचार पश्चात घर आई बसेको अवस्थामा उनको मृत्यु भएको थियो । हत्याको आरोपितलाई जिल्ला प्रहरी कार्यालय र प्रहरी चौकी मनराकट्टीको प्रहरीले पक्राउ गरेको हो ।
वि.सं.२०७७ मंसिर १२ शुक्रवार १६:२३ मा प्रकाशित
