हामी सबैकाे संसारन्यूज

१३ मंसिर, काठमाडौँ । सत्तारुढ नेपाल कम्युनिष्ट पार्टी(नेकपा) नेकपा प्रवास समन्वय कमिटीका अध्यक्ष युवराज चौलागाईले पार्टी अध्यक्ष तथा प्रधानमन्त्री केपी शर्मा ओलि नेकपाभित्रको विवाद समाधानमा अस्पष्ट देखिएको बताएका छन् ।

आज सम्पन्न केन्द्रीय सचिवालयको बैठकमा बितरित प्रधानमन्त्रीको प्रतिबेदनउपर सामाजिक सञ्जालमार्फत आफ्नो धारणा राख्दै उनले दुई परस्पर बिरोधी कुरा गरेर प्रधानमन्त्री विवाद समाधानमा अस्पष्ट देखिएको बताएका हुन् ।

‘एकातिर वहॉ चुनौतिका साथ दुई मध्ये एक अध्यक्षले ‘पार्टी र राज्यबाट कारबाही भोग्न तयार हुनुपर्ने’ (पेज ४) लेख्नुहुन्छ अर्काे तिर भन्नुहुन्छ( ‘पार्टीको अबस्था सहमतिको त्यो बिन्दुमा फर्काऔं जुन सचिवालयको भदौ २६ गतेको बैठकले तय गरेको थियो’ (पेज ३६) ज्ञातव्य छ, त्यो अबस्था भनेको अन्य कुराका अतिरिक्त प्रचण्ड कार्यकारी अध्यक्ष र ओली पूर्णकालिक प्रधानमन्त्री हो । यी दुई परस्पर बिरोधी कुरा गरेर प्रधानमन्त्रीज्यू समाधानमा अस्पष्ट देखिनु भयो ।’, उनले लेखेका छन् ।

उनले अध्यक्ष ओलिले नेकपाको एकतालाई मनदेखि स्वीकार गर्न नसकेको भन्ने भाव प्रतिवेदनमा उल्लेख गरेको जनाएका छन् ।
यसबारे उनले लेखेका छन् ‘प्रधानमन्त्रीमा अझै कमरेड ओलीले प्रचण्डलाई नेकपाको अध्यक्षका रुपमा कम, पूर्व माओवादीको अध्यक्ष बढी लिएको देखियो । पार्टी भित्र देखा परेका वर्तमान समस्याहरुलाई वहॉले त्यसरी दुई पूर्व पार्टीका समस्याका रुपमा बिश्लेषण गरेको पाइयो । नेकपा बनेपछि बिकसित घटनाक्रम र मनोबिज्ञानबारे, सचिवालय लगायत पार्टी पंक्तिमा बढिरहेको ध्रुविकरणबारे वहॉको विश्लेषण पूर्व समूहमा आधारित देखियो । मेरो बिचारमा यो चौथाई सत्य हो । ’

‘नेकपा फुटन तयार छैन् एकता अपरिहार्य छ’ भन्ने अध्यक्ष ओलीको भनाई मननयोग्य भएको भन्दै समाधान त्यहि बिन्दु वरपर खोज्नु पर्नेमा उनले जोड दिएका छन् ।