हामी सबैकाे संसारन्यूज

१४ मंसिर, काठमाडौं । इटालियन सिरि ए विजेता युभेन्ट्स बेनेभेन्टोसँग बराबरीमा रोकिएको छ । रोनाल्डो बिनै मैदान उत्रिएको युभेन्ट्स महत्वूर्ण खेलमा बरावरीमा रोकिएको हो ।

युभेन्ट्सले अल्भारो मोराटाको गोलमा खेलको २१औं मिनेट अग्रता लिएपनि जित निकाल्न भने सकेन । पहिलो हाफकै इन्जुरी टायममा बेनेभेन्टोका लागि गाएटानो लेटिजाले बराबरी गोल गर्दै खेलमा फर्किएको थियो ।

युभेन्ट्सले सिरी ए मा आफ्नो अपराजित यात्रा कायमनै राखेपनि अंकतालिकाम भने ५ औँ स्थानमा रहेको छ । युभेन्ट्सले नौँ खेलमा ४ जित र ५ बराबरी खेल्दै १७ अंक बनाएको छ । अंक तालिकाको शिर्ष स्थानमा रहेको एसि मिलानको ८ खेलबाट २० अंक रहेको छ ।