Sansar News
१४ मङ्सिर, मोरङ । जबरजस्ती करणी गरेको अभियोगमा एकजना पक्राउ परेका छन ।
३५ वर्षीया महिलालाई जबरजस्ती करणी गरेको अभियोगमा रंगेली नगरपालिका–५ बहुवानस्थित कदमगाछि टोल बस्ने २५ वर्षीय बौका भन्ने सुरेन्द्र मण्डललाई प्रहरीले पक्राउ गरेको छ ।
सुरेन्द्रले ती महिलालाई शुक्रबार दिउँसो सोही ठाउँस्थित धान परालको बोझामा जबरजस्ती करणी गरेको भन्ने खबर शनिबार दिउँसो प्राप्त हुना साथ ईलाका प्रहरी कार्यालय रंगेलीबाट खटिएको प्रहरीले उनलाई पक्राउ गरेको हो ।
प्रहरीले यस सम्बन्धमा थप अनुसन्धान गरिरहेको जानकारी दिएको छ ।
वि.सं.२०७७ मंसिर १५ सोमवार १२:३८ मा प्रकाशित
