हामी सबैकाे संसारन्यूज

१५ मङ्सिर, काठमाडौँ । अष्ट्रेलियन क्रिकेट टिमका विस्फोटक ब्याट्सम्यान डेविड वार्नर भारत विरुद्धको एकदिवसीय र टि-२० श्रृखलाबाट बाहिरिएका छन ।

डेविड वार्नर भारत विरुद्धको दोस्रो एकदिवसीयमा फिल्डिंग गर्ने क्रममा चोटिल हुन पुगेका थिए । त्यहीँ चोटको कारणले गर्दा डेविड वार्नरले भारत विरुद्धको एकदिवसीय र टि-२० श्रृखलाको सबै खेल गुमाउने भएका हुन । डेविड वार्नरले भारत विरुद्धको पहिलो एकदिवसीयमा ६९ रन बनाएका थिए भने दोस्रो एकदिवसीयमा ८३ रन बनाएका थिए ।

अष्ट्रेलियन क्रिकेट र्बोडले भारत विरुद्धको टि-२० श्रृखलाका लागि डेविड वार्नरको स्थानमा डासी सर्टलाई टिममा समावेश गरेको छ । त्यसैगरि अष्ट्रेलियन क्रिकेट र्बोडले फास्ट बलर प्याट कमिन्सलाई पनि तेस्रो एकदिवसीयमा विस्राम दिने निणर्य गरेको छ ।