हामी सबैकाे संसारन्यूज

१५ मङ्सिर, काठमाडौँ । विश्वभरमा कोरोना भाइरसको संक्रमणबाट मुक्त हुनेको संख्या ४ करोड ३५ लाख नाघेको छ । आइतबार विश्वभरमा ३ लाख ५६ हजार ६ सय ९७ जना कोरोना भाइरसको संक्रमणबाट मुक्त भएका हुन ।

यससँगै विश्वभरमा कोरोना संक्रमणबाट मुक्त हुनेको संख्या ४ करोड ३५ लाख ५७ हजार २ सय ५७ पुगेको हाे ।

त्यसैगरी मंगलबार नै विश्वभरमा ५ लाख २ हजार २ सय ४३ जना कोरोना भाइरसका नयाँ संक्रमितहरु थपिएका छन भने कोरोना संक्रमणबाट ७ हजार २ सय ३ जनाको मृत्यु भएको छ ।

विश्वभरमा कोरोना भाइरसबाट संक्रमित हुनेको संख्या ६ कारोड ३० लाख ८७ हजार १ सय ४२ रहेको छ भने संक्रमणबाट १४ लाख ६५ हजार ३ सय ६८ जनाको मृत्यु भएको छ । ।

अहिले पनि विश्वभरमा १ करोड ८० लाख ६४ हजार ५ सय १७ जना कोरोना संक्रमित अवस्थामै रहेका छन ।